كل القصايد
كـل القصايـد تنحنـي عنـد رجليـك
وأجيبهـا لـك يـا بعـد كـل غالـي
أحيا علـى قربـك وصوتـك وطاريـك
ودي بشـوفـك كــل لحـظـه قـبـالـي
والله أحبـك حــب ياقـلـب مغلـيـك
ويـزود حبـك مـع مـرور الليـالـي
أحلف بـرب البيـت مانيـب ناسيـك
وشلـون أبنسـى دنيتـي وراس مـالـي
ودي أحطـك فــي عيـونـي وأغطـيـك
وودي أنا اللـي بـس أشوفـك لحالـي
ومـاودي عيـون الخـلايـق تراعـيـك
أخـاف تلقـى لـك حبيبـا ً بـدالـي
حتـى الهـوى لامـر مـن بيـن أياديـك
أقــول هــذا وش يـبـي فــي حـلالـي
أنا بمنامي ياهوى القلـب أناديـك
صـورتـك دايــم ماتـفـارق خيـالـي
أن غبـت عـن عينـي بقلبـي ألاقـيـك
وأن رحـت عـن قلبـي فيـا عزتـالـي
تبي الصراحه ما أقدر أبعد وأخليك
